Aprezentasaun Na'i nian: Domingu, loron 2 fulan Fevereiro 2025, February 2, 2025
Reflection on the WORD
Maluk sira mak Kristu hadomi,
“Jesus Nia Obediénsia” – Fiar: Iha Evangelho ohin nian, Jesus nia inan-aman, Maria no José, obedese ba Lei Mozaiku nian no konsagra Jesus, iha Templu, ba Na’i Maromak no Jesus sai boot ba dau-daun iha matenek no maturidade iha rai Nazaré. Reflete, "Ita-nia abut kulturál, prátika sira ita-nia fiar nian, no ita-nia edukasaun família nian hotu-hotu forma dalan atu ita sai maduru. Jesus mak ema Lolos no Maromak Lolos.”
Lk 2:22-24, 39-40
Jesus nia aman no inan lori Nia ba templu
22Liu tiha tempu sira nia hamos an nian, tuir Moises nia ukunfuan, sira lori Nia ba Jerusalem atu saran Nia ba Na’i, 23nudar hakerek iha Na’i nia ukunfuan, katak “Oan mane boot ida-ida sei hanaran an Na’i nia santo,” 24no mos atu hasa’e, nudar buat karan, manu falur rua eh manu pombu oan rua, nudar Na’i nia ukunfuan haruka. 39Halo tuir tiha buat hotu nebe Na’i nia ukunfuan haruka, sira fila fali ba Galileia, ba sira nia sidade iha Nazare. 40Labarik oan mos sai boot ba dau-daun no maka’as liu tan, nakonu ho matenek, no Maromak nia grasa hela hamutuk ho Nia.
Today's Pointers on God's Word
As you read the passage what words, phases or meanings caught your attention?
- Maria no José halo tuir Lei Moisés nian ho fidelidade no aprezenta kosok-oan Jesus atu konsagra ba Na’i.
- Maromak mós iha espetasaun ba ita ida-idak atu halo tuir no kumpre obrigasaun Kreda nian hanesan Sakramentu Batizmu, Sakramentu Eukaristia, no Sakramentu Rekonsiliasaun no seluk tan. Ita konsege halo tuir sakramentu sira ho fidelidade ka lae?
- Jesus nia inan-aman la'ós de'it fó moris ba Nia liu-hosi konsepsaun Espíritu Santu nian, maibé mós hakiak Nia to'o boot no maduru, liu-hosi edukasaun ne'ebé holístika. Reza ba grasa atu sai inan-aman di'ak ne'ebé bele hada’et prezente fiar nian ba ita-nia oan sira.