DGEMs

Maluk sira mak Kristu hadomi,

“Fiar iha Jesus”: Iha Evangelho ohin nian, apóstolu sira ta’uk tebes atu mout iha tasi laran tanba anin boot. Jesus hamutuk ho apóstolu sira, maibé Nia "toba" dau-daun hela iha ró laran. Reflete, "karik Jesus 'toba' hela. Maibé, enkuantu ita iha fiar katak Nia horik ho ita, ita nunka tenke ta'uk wainhira ita hasoru perigu no provasaun sira iha ita-nia moris, fiar no vokasaun.Reza no tau konfiansa iha Jesus ne'ebé nakonu ho Domin Kompasivu ba ita.

Jesus halo tasi hakmatek

35Iha loron ne'e rasik, wainhira loraik ona, Nia dehan ba sira, “Ita hakur tiha ba tasi sorin balun ba.”  36Sira husik ema lubun boot hodi lori deit Nia iha ro laran. Ro seluk mos ba hamutuk ho Nia. 37Tuir mai, anin hahu sai boot. Laloran baku maka'as ro, halo be tama iha ro laran, besik atu nakonu. 38Nia iha ro ikun, toba hela ho Nia ulun iha somasu leten. 39Sira fanu Nia hodi dehan: “Mestre, la halo buat ida ba Ita katak ita atu mate ona?” Nia hamriik. Nia hateten ba anin no dehan ba tasi, “Hakmatek ba!” Anin nonok kedas; buat tomak hakmatek. 40Hafoin Nia lia tun ba sira, “Tan sa imi tauk hanesan ne'e? Imi seidauk fiar?”  41Sira tauk teb-tebes hodi dehan ba malu, “Ema ne'e se los? Anin no tasi mos halo tuir Nia!”