3ª Semana Tempu Komun: Sesta-feira, loron 31, fulan Janeiru, 2025, January 31, 2025
Reflection on the WORD
Maluk sira mak Kristu hadomi,
"Maromak nia Reinu" - Fiar: Iha Evangelho ohin nian, Jesus haklaken "Parábola kona-bá mostarda nia musan" hodi ilustra oinsá "Maromak nia Reinu" bele buras maka'as, iha Nia Dalan sira. No, bele hakuak ema ida-idak iha Maromak nia planu salvasaun nian. Reflete; “Maromak serbisu iha ita-nia fuan loron-loron Ita koopera ho Maromak nia Espíritu, ho kriatividade no kompromisu?”
Mc 4:26-32
Aiknanoik musan nia
26Nia dehan mos, “Maromak nia reinu hanesan ne'e: Ema kuda musan iha rai. 27Kalan loron, nia toba ka hader, musan ne'e moris no sai boot; oin sa los, nia la hatene. 28Husi nia kbiit rasik, rai lori nia atu fo fuan: uluk dikin, hafoin fulin, no ikus mai trigu ne’ebé tasak ona.29Wainhira trigu tasak ona, ema ne'e kaer tudik, basa tempu atu ko'a trigu to'o ona mai.”
30Nia dehan tan; “Ita sei usa ilas ida ne’ebé atu hatudu Maromak nia reinu? Ho aiknanoik sa mak ita sei hatudu nia? 31Nia hanesan mustarda musan ida ne’ebé wainhira ema kari iha rai mak kiik liu musan sira hotu iha raiklaran, 32maibékuda tiha, nia moris no sai boot liu hodi hatubun sanak bo-boot atu nune'e manu sira iha lalehan bele subar an iha nia mahon.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus garante mai ita katak Nia sei transforma ita-nia fiar ki’ik ba fiar boot se ita brani de’it atu fiar iha Nia; hanesan de'it "mostarda nia musan ki'ik" sei moris sai ai-hun boot ida.
- Hanesan fini ida sei la moris to'o nia kuda iha rai, "fini" fiar nian ne'ebé Maromak kuda iha ita-nia fuan só bele hetan transformasaun hosi Maromak se ita iha vontade atu hakiak nia.
- Reza ba grasa ba atensaun, fidelidade no laran-manas hodi koopera ho Maromak hodi haburas ita-nia fiar loron-loron.