DGEMs

Maluk sira mak Kristu hadomi,

"Sala Hasoru Espíritu Santu" - Fiar: Iha Evangelho ohin nian, Jesus haklaken ho klareza, "Ema ne'ebé ko'alia aat hasoru Espíritu Santu sei la hetan perdaun, maibé nia halo sala rohan-laek." Reflete; "Se ita abuza Maromak nia Don liberdade nian, no hili atu ko'alia aat Nia; hanesan espíritu aat sira, entaun ita hili atu rejeita Maromak nia Prezente Moris Rohan-laek nian.”

Jesus no diabu sira nia na’i ulun 

20Jesus tama ba uma ida, no dala ida tan, ema lubun boot buka Nia.  Tan ne'e Nia la bele han.  21Wainhira Nia parenti sira rona kona ba ida ne'e, sira sai atu kaer Nia, basa sira dehan katak Nia bulak ona. 22Eskriba sira ne’ebé mai husi Jerusalem  dehan: “Nia iha diabu,” no “Nia  duni sai diabu sira hodi diabu sira nia ulun nia naran.” 23Ne’e duni Jesus bolu sira hodi haktuir aiknanoik ida ba sira dehan: “Oin sa mak diabu bele duni sai diabu? 24Reinu ida fahe an karik, reinu ne'e la bele tahan. 25Umakain ida la iha unidade karik, umakain ne'e la bele hela kleur; 26nune’e mos Satanas hamriik hasouru nia an karik, nia fahe  an ona;  nia la bele tahan; nia rohan to'o ona 27Ema ida la bele tama iha ema maka'as nia uma hodi na’ok nia rikusoi molok nia, uluk knanain, kaer ema maka'as ne'e. Foin mak nia bele na’ok rikusoi sira.”

28“Tebes Ha’u ba imi: ema sira nia sala no sira nia lia aat hasouru Maromak sei hetan perdua, maibéema ne’ebé hateten aat Espiritu Santu sei la hetan perdua ba nafatin. Nia halo sala rohan laek nian.”  29Ne'e tamba sira dehan: “Nia iha diabu.”