DGEMs

Maluk sira mak Kristu hadomi,

“Jesus nia Misaun Salvasaun nian”: Iha Evangelho ohin nian, Jesus nia reputasaun Di’ak, nu’udar Mesias habelar daudaun iha Nia Misaun.Maski nune'e, ikus mai Nia sei terus perseguisaun boot sira no kruzifikasaun. Reflete; “Maromak sei sempre fó naroman no fó kbiit mai ita atu moris ita-nia fiar ho fidelidade. Nunka duvida; fiar nafatin iha Na'i, ne'ebé nunka husik ita.

esus hahu hanorin 

14Ho Espiritu Santu nia kbiit, Jesus fila fali ba Galileia; nia naran sai boot iha rai tomak. 15Nia hanorin iha sinagoga hotu; ema hot-hotu hahi Nia.

16Nia mai iha Nazare, iha ne’ebé Nia sai boot. Tuir Nia lisan, Nia tama iha sinagoga iha loron Sabadu. Nia hamriik atu le’e. 17Sira fo ba Nia livru profeta Isaias nian. Loke tiha livru ne’e, Nia hetan fatin ida ne’ebé hakerek nune’e:

18 “Na’i nia Espiritu iha Ha’u, basa Nia foti tiha Ha’u 

    atu haklaken liafoun diak ba kiak sira;

19Nia haruka Ha’u atu haklaken maksoin ba dadur sira

    no halo matan delek sira hare; atu soi sira ne’ebé ema hanehan,

    hodi haklaken Na’i nia tinan rahun kmanek nian.”

20Hafoin, taka tiha livru, Jesus fo fali nia ba knaar nain. Nia tur tiha. Ema hot-hotu iha sinagoga laran hateke ba Nia. 21Tuir mai, Nia hahu koalia ba sira dehan: “Ohin halo tuir los duni liafuan Eskritura nian ne’ebé imi foin rona.”