Konversaun husi São Paulo, Apóstolu:: Sábadu, loron 25, fulan Janeiru, 2025 , January 25, 2025
Reflection on the WORD
Maluk sira mak Kristu hadomi,
“Jesus nia Misaun” – Fiar: Iha Evangelho ohin nian, Jesus haruka nia Apóstolu sira atu haklaken Evangelho salvasaun nian ba povu hotu-hotu. Nia haklaken, “Sé mak fiar no hetan Batizmu sei hetan salvasaun; ema neʼebé la fiar, nia sei hetan kastigu.” Reflete; “Jesus mós konvida ita atu simu Nia Haklaken ho sériu; no depois simu Nia Prezente Divinu Salvasaun Eterna nian.”
Mc 16:15-18
Jesus mosu ba eskolante sanulu resin ida
14Ikus mai, wainhira sira sanulu resin ida tur dau-daun iha meja, Nia mosu hodi si’ak sira nia fiar laek no ulun fatuk tos, basa sira la fiar sira ne’ebé hare Nia moris hi’as ona. 15Nia dehan ba sira, “La’o ba mundu tomak ba, haklaken liafuan diak ba buat hot-hotu. 16Ema ne’ebé fiar no simu baptismu sei hetan maksoin; maibéema ne’ebé la fiar sei hetan todan. 17Sinal sira ne’ebé sei hela ho sira ne’ebé fiar mak ne'e: hodi Ha’u nia naran sira sei duni sai diabu sira; sira sei koalia lia mesak foun oi-oin; 18sira sei kaer samea sira; sira hemu karik buat moruk no lanuk ruma, sira sei la hetan susar ida. Sira sei tau liman ba ema moras sira, no sira ne'e sei hetan isin diak fali.
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus haruka Nia eskolante sira atu haklaken Evangelho ba povu hotu-hotu no fó batizmu ba sarani sira.
- Nu’udar ema fiar-na’in ba Kristu, ita mós iha responsabilidade atu prezerva no haklaken Evangelho ida-ne’e ba povu hotu iha ita-nia moris loron-loron prinsipalmente ida-ne'e bele halo liu husi atitude no hahalok sira hanesan Kristu hasoru ema seluk iha hahalok sira mizerikórdia, dame, domin, unidade nian no buat sira hanesan ne'e.
- Husu ba Na’i grasa sira ne’ebé ita presiza atu moris valór sira Evangelho nian ho nakonu liu tan atu nune’e ita-nia moris sei hakbesik ema seluk ba Nia lia-los no salvasaun.