DGEMs

Maluk sira mak Kristu hadomi,

"Lei sira ne'ebé metin" - Fiar ne'ebé laiha fuan: Iha Evangelho ohin nian, Jesus sai hirus tebes ba ema Judeu sira ne'ebé impoin "Lei sira Sábadu nian" ho rigidez no laiha fuan ; no halo terus boot ba povu. Reflete; "Jesus nia Domin ne'ebé nakonu ho laran-sadia, kura isin no klamar. Ita relasiona ho ema nia nesesidade sira ho kompaixaun hanesan Jesus ka ita ‘ríjidu no laran laiha fuan’?

Ema ho liman aat 

1Jesus tama fali sinagoga ida. Iha neba iha ema ne’ebé liman aat. 2Sira hateke ba Nia atu hare keta Nia fo isin diak ba nia iha loron Sabadu, hodi hein atu foti lia ruma hasouru Nia . 3Nia dehan ba ema ho liman aat: “Hamriik mai iha klaran!”  4Tuir mai, Nia husu sira: “Iha loron Sabadu, bele halo diak eh halo aat, soi ema nia moris eh oho nia?” Maibésira  nonok deit.  5Hateke ba ema hotu ne’ebé hale’u Nia, no laran nakali tebes hodi laran susar tan sira  nia laran tos, Nia dehan ba ema ne'e, “Lolo o nia liman.” Nia lolo duni nia liman, no nia liman diak kedas.  6Fariseu sira sai ba liur hodi la'o hamutuk ho Herodes nia emar sira hodi buka oin sa sira bele oho Nia.

• Farizeu sira labele haré katak Maromak nia Lei sira sábadu nian ne'e atu submete ba nesesidade sira ema ida ne'ebé terus nian tanba Maromak nakonu ho Domin no kompaixaun.

• Durante Jesus nia Ministériu Públiku, Nia hatudu Kompaixaun barak liu liu ba ema kiak sira, ema kiak sira no ema sala-na'in sira n.e. feto-aat sira, kobradór impostu sira, ema Judeu sira ne'ebé kondena Nia no soldadu Romanu sira ne'ebé hedi Nia iha krús.

• Husu grasa ba Na’i atu sai konsiente liu tan kona-bá ita-nia nesesidade atu iha laran-sadia ba ema seluk hanesan Jesus hatudu ona mai ita.