1ª Semana Tempu Komun: Kinta-feira, loron 16, fulan Janeiru, 2025, January 16, 2025
Reflection on the WORD
Maluk sira mak Kristu hadomi,
"Jesus nia domin kompaixaun": Iha Evangelho ohin nian, Jesus kura ema ida ho moras kulit nian, maski tempu seiduak atu too atu hatudu Nia-An nu'udar Mesias, Jesus nia Domin Kompaixaun, book Nia atu halo exesaun. Reflete; "Maromak nia Domin Kompaixaun ba ita, laiha rohan. Maibé, ita-nia kompaixaun ba ema sira ne’ebé presiza, inkluzivu no kle’an ka lae?”
Mk 1:40-45
Jesus fo isin diak ba ema moras lepra ida
40Ema moras lepra ida mai hakbesik Nia, hakneak iha rai hodi husu Nia, “Ita hakarak karik, Ita bele hamos ha’u.” 41Jesus hanoin nia, lolo nia liman hodi kona nia dehan: “Ha’u hakarak; sai mos ba!” 42Iha oras ne'e kedas, moras lepra lakon no nia isin mos ona. 43Jesus haruka nia ba, hodi dehan ho oin maka'as, 44“Keta fo hatene ba ema ida, maibéla'o ba, hatudu o nia an ba amlulik hodi hasa'e buat ne’ebé Moises haruka atu fo hatene katak o hetan ona isin diak.” 45Maibéema ne'e sai hodi fo hatene kedas buat ne'e iha fatin hotu; nune'e Jesus la bele hatudu Nia An ona iha sidade sira. Nia la'o deit iha liur, iha rai fuik. Maibéhusi fatin hotu ema mai buka Nia.
Today's Pointers on God's Word
As you read the passage what words, phases or meanings caught your attention?
- Maromak nia domin ba ita maka abranjente no inkondisionál. Jesus sempre prontu atu kura ita husi ita nia moras fíziku, emosionál, mentál no espirituál hotu.
- Ita hakarak hetan kura maibé ita la fiar Maromak. Ita tahan ita-nia an ho ta'uk tanba ita dehan, hau lahatene lolos saída maka Maromak nia Hakarak ba ha'u.”
- Ha'u haraik-an atu simu katak Maromak nia Matenek no Kompaixaun boot liu ha'u nian? Se nune’e, reza atu hetan grasa atu entrega ita-nia moris ba Maromak nia liman.