Kinta-feira hafoin Epifania, loron 09, fulan Janeiru, 2025, January 9, 2025

Reflection on the WORD

Maluk sira mak Kristu hadomi,

“Mesias Revela An” – Fiar: Iha Evangelho ohin nian, Jesus fila fali ba Nazare. Iha sinagoga, Nia revela katak testu sagradu sira Profeta Isaías nian, ne’ebé Nia haklaken ba sira, kumpre daudaun; katak Nia maka Mesias ne'ebé ema hein hela. Reflete; "Maromak 'hatudu' beibeik Nia Prezensa no Providénsia iha ita-nia moris. Maibé, ita hatene no halo tuir ka lae?”

Lc 4:16-22ª

Jesus iha Nazare

 

16Nia mai iha Nazare, iha ne’ebé Nia sai boot. Tuir Nia lisan, Nia tama iha sinagoga iha loron Sabadu. Nia hamriik atu le’e. 17Sira fo ba Nia livru profeta Isaias nian. Loke tiha livru ne’e, Nia hetan fatin ida ne’ebé hakerek nune’e:

18 “Na’i nia Espiritu iha Ha’u, basa Nia foti tiha Ha’u 

    atu haklaken liafoun diak ba kiak sira;

19Nia haruka Ha’u atu haklaken maksoin ba dadur sira

    no halo matan delek sira hare; atu soi sira ne’ebé ema hanehan,

    hodi haklaken Na’i nia tinan rahun kmanek nian.”

20Hafoin, taka tiha livru, Jesus fo fali nia ba knaar nain. Nia tur tiha. Ema hot-hotu iha sinagoga laran hateke ba Nia. 21Tuir mai, Nia hahu koalia ba sira dehan: “Ohin halo tuir los duni liafuan Eskritura nian ne’ebé imi foin rona.” 22Sira hotu koalia diak kona ba Nia; hodi hakfodak, tan liafuan kmook ne’ebé sai husi nia ibun.

Today's Pointers on God's Word

As you read the passage what words, phases or meanings caught your attention?

  • “Na’i nia Espíritu” iha Jesus nia leten. Jesus sempre hetan orientasaun hosi Espíritu iha buat hotu ne'ebé Nia halo. Nia mos halo buat hotu tuir Nia Aman Nia Hakarak.
  • Jesus nia Liafuan nakonu ho grasa; sempre iha paralelo ho Aman nia Vontade. Bainhira ita moris iha Espíritu ita mós sei moris moris ida ne’ebé integradu liu tan tuir Aman nia Dalan.
  • Enkuantu ita nakloke ba Maromak nia Espíritu, maski ita sai vítima ba moris nia moras no trajédia sira, ita sei buras neineik-neineik hodi sai ema ne'ebé nakonu ho grasa ne'ebé bele toka ema barak liu husi Maromak nia Espíritu ne'ebé iha ita laran.