DGEMs

Maluk sira mak Kristu hadomi,

"Jesus nia Domin Protetivu" - Fiar: Iha epizódiu Evangelho ohin nian, Jesus preokupa ho Nia apóstolu sira nia seguransa, bainhira sira luta hasoru anin-boot iha tasi. Nia la'o iha tasi leten, no sa'e ba sira nia ró; no anin-boot ne'e tun. Reflete; “Jesus sempre preokupa ho ita, liuliu bainhira ita hasoru dezafiu sira ne'ebé ameasa ita. Nia sei nunka falha ita.”

Jesus la'o iha be leten

45Ne’e hotu tiha, Nia haruka Nia eskolante sira atu sa'e ro hodi ba uluk Betsaida. Nia rasik haruka ema lubun boot ne'e ba ona uma. 46Sira ba tiha ona, Nia sa'e ba foho tutun atu resa. 47Wainhira kalan ona, ro dook ona iha tasi laran, Nia mesak hela iha rai. 48Nia hare katak sira kbiit la to'o atu hean, basa anin hu’u hasouru sira. Besik rai hun mutin, Nia hakbesik sira hodi la'o iha tasi leten. Nia halo sira hanoin katak Nia atu liu deit, 49maibé wainhira sira hare Nia la'o iha tasi leten, sira hanoin katak Nia mate klamar ida. 50Sira hakilar maka'as, basa sira hotu hare Nia. Sira hotu tauk teb-tebes. MaibéNia koalia kedas ba sira dehan: “Aten berani ba. Ha’u mak ne'e, keta tauk!” 51Tuir mai , Nia tama ba ro laran. Anin hakmatek ona. 52Sira bilan deit, basa sira la komprende milagre paun nian katak sa. Sira nia hanoin sei nakukun hela.