DGEMs

Maluk sira mak Kristu hadomi,

“Mesias nia Mistériu” – Fiar: Iha Evangelho ohin nian, Mesias nia Moris, “hatudu” ba “Matenek Na’in Tolu”, ne’ebé fó omenajen ba Nia. Reflete; “Bainhira ita buka Maromak; Nia sei nafatin hatudu no revela Nia Hakarak mai ita; hanesan ema matenek sira, ne’ebé lori husi mistériu sira “Fitun Belém nian”. Maibé, se ita-nia intensaun aat, hanesan Liurai Herodes, ita sei nunka hetan susesu.”

Ema matenek sira

   1Jesus moris iha Belem iha rai Judeia iha loron liurai Herodes nian. Ema matenek balun husi lorosa'e to'o ba Jerusalem. 2Sira husu: “Judeu sira nia Liurai ne’ebé foin moris iha los ne’ebé? Ami hare tiha Nia fitun iha lorosa’e no ami mai tuku tur hanai Nia.” 3Rona tiha liafuan hirak ne'e, liurai Herodes hamutuk ho sidade tomak laran taridu teb-tebes. 4Nia halibur amlulik boot sira no eskriba sira povu nian hodi husu ba sira Kristu sei moris los iha ne’ebé. 5Sira hatan ba nia: “Iha Belem, iha rai Judeia, basa hakerek nanis ona husi profeta: 6‘Belem, rai Juda, iha sidade boot sira Juda nian, la'os o mak kiik liu; basa husi o mak sei mosu Na’i Ulun ida ne’ebé sei tau matan Ha'u nia povu Israel.’”

   7Tuir mai Herodes haruka bolu sub-subar deit ema matenek sira; nia husu di-diak ba sira sa tempu fitun ne'e mosu ba sira. 8Hafoin nia haruka sira ba Belem dehan: “Imi ba to'ok. Imi sei husu tuir di-diak kona ba Kiik Oan ne'e. Hafoin, hetan tiha nia, imi mai fo hatene ha'u atu ha'u mos bele ba tuku tur adora Nia.”  9Rona tiha liurai, sira la'o ona. Fitun ne’ebé sira hare iha lorosa’e la'o uluk sira oin, to'o fatin ne’ebé Kiik Oan hela ba. 10Hare tiha fitun, sira laran haksolok teb-tebes. 11Tama tiha uma laran, sira hare Kiik Oan ho Nia inan Maria. Sira tuku tur ba rai hodi adora Nia. Loke tiha sira nia rikusoi, sira hasa’e ba Nia sira nia buat ksolok; osan mean, aiben morin no naan horun. 12Tan simu lia menon husi mehi katak sira la bele fila hikas ba Herodes, sira fila ba sira rai husi dalan seluk.