DGEMs

Maluk sira mak Kristu hadomi,

“João Batista nia sasin kona-bá Jesus”: Iha Evangelho ohin nian, João Batista haklaken ho aten-brani, klareza no kompromisu boot katak Jesus mak Mesias. No, Nia sei sarani ho Espíritu Santu, no oferese Salvasaun Eterna. Reflete; "Ita mós haklaken no fó sasin ba Jesus, nu'udar ita-nia Maksoin ho aten-barani, klareza no kompromisu?"

João hatudu Jesus ba ema

29Loron tuir mai, hare tiha Jesus hakbesik ba nia, João dehan: “Ne’e mak Maromak nia Bibi Oan ne’ebé kasu mundu nia sala. 30Kona ba Ida ne’e mak ha’u dehan ona: ‘Ema Ida sei mai tuir ha’u, ne’ebé ba oin liu ha’u, tamba Nia uluk liu ha’u.’ 31Uluk ha’u la hatene Nia, maibéatu Nia bele hatudu an ba Israel, ha’u mai sarani ho be.” 32João fo sasin dehan: “Ha’u hare Espiritu Santu tun mai husi lalehan hanesan manu falur ida, ne’ebé mai tur iha nia leten. 33Uluk, ha’u la hatene Nia, maibéIda ne’ebé haruka ha’u mai atu sarani ho be mak dehan mai ha’u: “Ida ne’ebé o hare Espiritu tun ba Nia hodi hela iha Nia, Nia mak sei sarani ho Espiritu Santu.” 34Ha’u hare duni hodi fo sasin katak Nia mak Maromak nia Oan Mane.”