DGEMs

Maluk sira mak Kristu hadomi,

“João Batista” – Misaun: Iha Evangelho ohin nian, João Batista haklaken Lia-los kona-bá Mesias ne’ebé sei mai, ho haraik-an, aten-barani no laran-moos. Reflete; "Hanesan João, ita klaru no mós komprometidu ho objetivu ita-nia moris nian; atu hadomi, serbí no fó glória ba Maromak? Reza ba grasa atu simu inspirasaun hanesan ne’e husi Espíritu Santu iha ita-nia moris loron-loron nian.”

João fo sasin kona ba nia an

19Ne’e mak João nia sasin wainhira Judeu sira husi Jerusalem haruka amlulik no levita sira atu husu nia: “O se los?” 20Nia dehan sai, la heli lia maibésimu dehan: “Ha’u la’os Messias.”  21Sira husu ba nia: “O se los? O Elias?” Nia hatan, “Lae.” “O Profeta?” nia hatan: “Lae.”  22Ne’e duni, sira husu nia: “O se los, atu ami bele fo liafuan ba sira ne’ebé haruka ami mai. O dehan sa ida kona ba o nia an rasik?” 23Nia hatan: “Ha’u mak lia ne’ebé hakilar iha rai fuik maran. Halos Na’i nia dalan, nudar profeta Isaias dehan.” 24Sira ne’e fariseu sira mak haruka, 25sira husu ba nia dehan: “O la’os Messias, la’os Elias, la’os profeta: nusa mak o sarani ema?” 26João hatan ba sira dehan: “Ha’u sarani ho be, maibéiha imi nia leet iha Ida ne’ebé imi la hatene, 27ne’ebé ha’u la soi atu kore nia sandalias tali.” 28Buat ne’e mosu iha Betania, iha mota Jordao nia sorin ba, iha ne’ebé João sei sarani hela.