Oitava Natál Loron 6: Segunda-feira, loron 30, fulan Dezembru, 2024, December 30, 2024

Reflection on the WORD

Maluk sira mak Kristu hadomi,

“Profeta Ana” – Fiar: Iha Evangelho ohin nian, Ana Profeta; gasta ona nia moris barak hodi serbí, halo jejúm no reza iha Templu. Nia hetan inspirasaun husi Maromak atu hasoru Jesus, Kosok-oan-Mesias. Reflete; “Bainhira ita kuida ita-nia moris ho sinseridade boot, sakrifísiu, no serbisu ba Maromak; Espíritu Santu sei nafatin inspira ita iha maneira espirituál nebé espesiál tebes; hanesan santu sira Igreja nian.”

Lc 2:36-40

36Iha mos feto duina ida, naran Ana, Fanuel housi suku Aser nia oan. Nia otas boot ona. Liu tiha nia tempu fetoran nian, nia moris ho nia la’en ba tinan hitu; 37hafoin nia moris nu’udar feto faluk to’o nia tinan ualu nulu resin haat. Nia la husik templu, Maibé serbi Maromak kalan loron, hodi halo jejum no hamulak. 38Iha oras neba, nia mai hodi fo agradese ba Na’i no koalia kona-bá Labarik ne’e ba sira hotu nebé hein maksoin Jerusalem nian.

39Halo tuir tiha buat hotu nebé Na’i nia ukunfuan haruka, sira fila fali ba Galileia, ba sira nia sidade iha Nazare. 40Labarik oan mos sai boot ba dau-daun no maka’as liu tan, nakonu ho matenek, no Maromak nia grasa hela hamutuk ho Nia.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian ita haré oinsá Maromak nia Espíritu lia-loos no matenek nian bele serbisu liu husi ema santu sira hanesan Ana tanba sira maka'as no fíel tebes ba Maromak iha sira nia moris loron-loron nian.
  • Oinsá Maromak nia lia-loos no matenek nebé ita iha, iha dalan barak, maka "depende" ba oinsá ita hadomi Maromak iha ita nia moris loron-loron nian.
  • Ita hadomi Maromak, ita-nia Na'i, pesoalmente no nune'e hetan dame no ksolok barak nu'udar sarani ka ita-boot moris ita-boot nia fiar hodi obedese ba lei sira Kreda nian nu'udar obrigasaun sira no nune'e hetan relijiaun nu'udar impozisaun ida iha ita nia moris?