Sagrada Família: Jesus, Maria no José: Domingu, loron 29, fulan Dezembru, 2024, December 29, 2024

Reflection on the WORD

Maluk sira mak Kristu hadomi,

"Jesus nia Sabedoria”: Iha Evangelho ohin nian, Jesus ho tinan sanulu-resin-rua, hein iha hela Jerusalem hodi ko'alia ho Matenek nebé bo’ot kona-bá asuntu espirituál sira ho doutór ka matenek nain sira iha. Reflete; “’Sabedoria signifika iha no bele uza koñesimentu barak ho diak. Maibé, “sabedoria lolos” maka “hatene, hadomi no moris tuir Maromak nia Lia-loos no hakarak.”

Lc 2:42-51

Jesus iha templu

41Tinan tinan Jesus nia inan aman sira ba Jerusalem ba festa Paskua. 42Wainhira Nia halo tinan sanulu resin rua, sira sa’e ba Jerusalem, tuir lisan festa nian. 43Festa hotu tiha, sira fila hikas ba uma, Maibé labarik Jesus hela iha Jerusalem; nia aman sira la hatene. 44Sira hanoin katak Nia la’o ho maluk sira. La’o tiha loron ida, mak sira buka Nia iha parenti no maluk sira le’et. 45Tan la hetan Nia, sira fila fali ba Jerusalem hodi buka Nia. 46Liu tiha loron tolu, sira hetan fali Nia iha templu, tur hela iha ema matenek sira le’et, hodi rona no husu sira. 47Ema hotu nebé rona Nia hakfodak ho nia matenek no nia liafuan. 48Haré tiha Nia, nia aman sira hakfodak teb-tebes. Nia inan hateten ba Nia: “Ha’u oan, tansa O halo nune’e mai ami? O nia aman ho ha’u neon susar teb-tebes hodi buka O.” 49Nia dehan ba sira: “Tansa imi buka Ha’u? Imi la hatene katak Ha’u sei hela iha Ha’u Aman nia uma?” 50Maibé sira la komprende lia hirak ne’e ba sira katak sa. 51Jesus tun fali hamutuk ho sira ba Nazare, hodi halo tuir sira nia hakarak. 52Nia inan rai lia hirak ne’e hotu iha nia laran. No Jesus sai boot ba dau-daun iha matenek, otas, no kmanek iha Maromak no ema sira nia oin.

Today's Pointers on God's Word

As you read the passage what words, phases or meanings caught your attention?

  • Iha pasajen Evangelho ida-ne'e, Jesus hahú revela ba Ninia inan-aman no rona-na'in sira katak Nia tenke halo tuir Nia Aman nia Hakarak bainhira Nia dehan, "Imi la hatene katak ha'u tenke iha ha'u nia Aman nia uma?"
  • Iha tempu hanesan, Jesus mós hatene katak ne’e mak Nia Aman nia Vontade katak Nia tenke fila ba Nazaré hamutuk ho nia inan-aman no obedese ba sira. Jesus iha-ne’e mós afirma importánsia piedade filiál nian.
  • Durante tempu litúrjiku Natál nian ida-ne’e, mai ita kontempla kona-bá oinsá Sagrada Família hala’o sira-nia moris no oinsá sira bele sai ita-nia modelu iha ita-nia moris loroloron nian.