São João, Apóstulo e Evangelista: Sesta-feira, loron 27, fulan Dezembru, 2024, December 27, 2024

Reflection on the WORD

Maluk sira mak Kristu hadomi,

Pedro nia Fiar no Lideransa: Iha Evangelho ohin nian, bainhira João to'o iha Jesus nia Rate, nia haré nia hena sira, maibé la tama. Pedro to'o, no tama iha Rate; João tuir; haré no fiar. Reflete; "Pedro nia Fiar presiza tempu barak liu tán atu sai metin tan. Maibé, apóstolu hotu sempre simu nia nuʼudar sira-nia “Ulun” nebé Jesus hili.”

Jo 20:2-8

Rate mamuk

1Iha loron uluk semana nian, iha dadersan nakukun, Maria Madalena ba to’o rate hodi haré fatuk iha rate nia oin duir tiha ba sorin. 2Nia halai fali hasouru Simao Pedro no eskolante ida seluk nebé Jesus hadomi hodi dehan ba sira: “Ema lori tiha Na’i housi rate no ami la hatene sira tau los Nia iha nebé!” 3Pedro ho eskolante ida seluk sai kedas ba rate. 4Sira halai hamutuk Maibé eskolante ida seluk lalais liu Pedro hodi to’o uluk rate. 5Nia hakru’uk hodi haré hena sira namkari iha rai Maibé nia la tama. 6Simao Pedro mos to’o tuir nia; nia tama iha rate laran hodi haré hena sira namkari iha rai, 7no mos hena mutin nebé hodi falun Jesus nia ulun, ketak housi hena sira seluk lulun iha fatin seluk. 8Hafoin, eskolante ida seluk nebé to’o uluk ba rate tama hotu. Nia haré hodi fiar.

Today's Pointers on God's Word

As you read the passage what words, phases or meanings caught your attention?

  • ha Evangelho ohin nian, Pedro no Discípulo nebé Jesus hadomin liu, halai ba rate bainhira Maria Madala informa ba sira katak nia haré ona Na'i Moris-Hi'as. Tamba sira na'in rua hadomi Jesus, maka João, discípulo nebé besik liu ba Jesus ne’e haré no fiar.
  • Ita hotu hadomi Jesus, maibé ita balun hadomi Nia iha dalan pesoál no bele moris moris ida nebé reflete domin hanesan ne'e ba Jesus enkuantu sarani sira seluk karik laiha esperiénsia hanesan.
  • Reflete kona-bá oinsá ita-boot bele fahe ita-boot nia domin ba Jesus pesoalmente no oinsá dalaruma domin pesoál ida-ne'e fó forsa barak ba ita-boot iha tempu ita-boot nia susar sira, no ksolok iha tempu sira nebé ita-boot bele fahe Nia ho ema seluk.