Festa São Estevão, Mártir Dahuluk: Kinta-feira, loron 26, fulan Dezembru 2024, December 26, 2024
Reflection on the WORD
Maluk sira mak Kristu hadomi,
“Discípulu sira-nia Dezafiu” – Fiar: Iha Evangelho ohin nian, Jesus aviza ba nia discípulo sira, atu hein perseguisaun sira nebé Nia sei hasoru. Maski nune'e, sira labele preokupa ho sira, tanba Espíritu Santu sei nunka falla atu tulun no salva sira. Reflete; “Saída maka dezafiu boot liu husi ita-boot nia fiar? Oinsá maka Espíritu Santu prezente ba ita?
Mt 10:17-22
Apostolu sira sei hetan susar
17Matan moris ho ema sira. Sira sei lori imi ba sinedriu hodi baku imi iha sira nia sinagoga laran. 18Sira sei lori hodi kesar imi ba emboot no liurai sira tamba Ha’u, atu imi fo sasin ba sira no ba gentiu sira. 19Maibé wainhira sira saran imi, keta hanoin resin kona-bá sa mak imi sei hatan, eh koalia oin sa; iha oras neba sei haraik ba imi atu dehan sa ida. 20Basa la’os imi mak koalia, Maibé imi Aman nia Espiritu mak sei koalia liu housi imi. 21Maun sei saran nia alin ba mate, aman sei saran nia oan; oan sira sei foti liman hasouru aman sira hodi oho sira. 22Ema hotu sei odi imi tan ha’u nia naran; Maibé ema nebé hela metin to’o rohan sei hetan maksoin.
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus aviza ba Nia apóstolu sira kona-bá perseguisaun no terus nebé sira sei hasoru duni hanesan Jesus rasik, tanba ema barak sei rejeita Nia no koko atu halakon Liafuan Di'ak Salvasaun nian nebé Nia haklaken.
- Maibé, Jesus garante ba sira katak sira nunka bele ta'uk tanba Espíritu Santu sei fó ba sira Matenek atu ko’alia Maromak nia Lia-loos no forsa atu persevera iha Nia naran.
-
Saun Estevão, mártir dahuluk Igreja nian fó nia moris ho aten-barani boot no fó sasin ba Maromak nia Espíritu nebé fó kbi’it ba nia atu persevera to'o rohan. Oinsá ita-boot esperiénsia ona Maromak nia kbi’it divinu nebé fó ba ita-boot forsa no vontade nebé maka liu ita-boot nia kapasidade umanu?