Natal Na’i nian: Kuarta-feira, loron 25, fulan Dezembru 2024, December 25, 2024

Reflection on the WORD

Maluk sira mak Kristu hadomi,

"Mesias nia Ezisténsia Eterna" - Fiar: Evangelho ohin nian revela Mesias, nu'udar Maromak nia Oan-Mane, nebé eziste la hó "Inísiu" ruma; iha Aman no Espíritu Santu nia Trindade. Reflete; "Reza ba grasa sira atu iha inspirasaun kle’an sira kona-bá Trindade, nebé nia Domin Kria, Salva no kontinua atu fó naroman no fó kbi’it mai ita atu moris ita-nia fiar loron loron."

Jo 1:1-10

Lia hahu nian

1Houri uluk kedas Liafuan iha nanis; Liafuan horik nanis ho Maromak; Liafuan mak Maromak. 2Houri uluk kedas Nia horik ho Maromak. 3Maromak halo buat hotu hodi Nia; la iha buat ida nebé mosu la hodi Nia. 4Iha Nia mak moris, no moris ne’e mak ema nia naroman. 5Naroman nabilan hela iha nakukun laran; nakukun la simu nia.

6Mane ida mosu mai nebé Maromak mak haruka; nia naran Joao. 7Nia mai nu’udar sasin ida atu fo sasin kona-bá naroman, atu ema hotu bele fiar hodi nia. 8Nia la’os naroman, Maibé nia mosu atu fo sasin kona-bá naroman. 9Naroman los mai iha raiklaran, naroman nebé leno ema hothotu. 10Nia horik iha raiklaran; raiklaran mosu liu housi Nia, Maibé raiklaran la hatene Nia.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, São João revela “Liafuan” nu’udarida nebé “Fó-Moris Kriadór” ba buat hotu nebé eziste no “Naroman Loloos” nebé halakon nakukun sala nian iha mundu.
  • Sarani sira nunka para atu hakfodak ho mistériu boot Maromak nia Oan sai ida de’it hanesan ita iha buat hotu maibé sala.
  • Reflete kona-bá "Lia-loos" ida-ne'e hosi Jesus Kristu-Oan. Husik Maromak nia Espíritu atu fó naroman ba ita-boot nia fuan sira hodi haré oinsá buat hotu iha mundu ne'e harí iha Maromak nia Naroman, maibé sai mamuk tanba ita-nia hahalok sala-na'in sira. Oinsá ita bele nakloke-an atu haré realidade Lia-loos ida-ne'e nian nebé existe iha ita hotu nia le’et; inklui ita nia fuan no uma?