DGEMs

Maluk sira mak Kristu hadomi,

“Maria Mesias nia Inan” – Fiar: Iha Evangelho ohin nian, Isabel haklaken, “Husi feto hotu-hotu, Ita mak abeçoada liu, no bensaun ba Ita-nia knotak nia Fuan. Tanba saída maka ha’u tenke hetan onra ho vizita ida husi ha’u nia Na'i nia Inan?” Reflete; "Espíritu Santu, nebé inspira Isabel, sei inspira mós ita atu hatene, hadomi no serbí Maromak ita-nia Aman nia hakarak. Ita rona no halo tuir Espíritu ne’e ka la’e?”

Maria ba haré Isabel

39Iha loron hirak neba Maria hiit an lalais ba foho, ba knua ida iha Juda. 40To’o tiha Zacarias nia uma, nia kumprimenta Isabel. 41Wainhira Isabel rona Maria nia lia, kosok oan book an iha nia knotak ho ksolok. Nakonu ho Espiritu Santu, 42Isabel koalia ho lia makaas dehan: “Ita boot diak liu feto hot-hotu! Ita boot nia oan diak liu! 43Be ha’u se los atu ha’u Na’i nia inan hiit an mai ha’u nia uma? 44Basa, ita lia kumprimento nian to’o tiha iha ha’u tilun, kosok oan book an ho ksolok iha ha’u knotak. 45Rahun diak ba ida nebé fiar katak lia nebé Na’i hateten sei sai tuir los duni.”