3ª Semana Tempu Advento: Sábado, loron 21, fulan Dezembru 2024, December 21, 2024
Reflection on the WORD
Maluk sira mak Kristu hadomi,
“Maria nia visita” - Fiar: iha Evangelho loron ohin nian, Maria halo tuir Anju Gabriel nia mensagem nu’udar Maromak nia Hakarak ho prontidaun, haraik-an no ho fiar nebé profundu. Fiar ida ne’e hetan konfirmasaun hosi Isabel ninia ksolok bainhira nia kumprimenta katak Maria kous iha nia knotak oan ida nebé abensoadu liu. Reflete; “hanesan Maria, ita mós tau iha ita nia asaun Maromak nia hakarak sira ho prontidaun, haraik-an, no ho fiar nebé kle’an ka la’e?
Lk 1:39-45
Maria ba haré Isabel
39Iha loron hirak neba Maria hiit an lalais ba foho, ba knua ida iha Juda. 40To’o tiha Zacarias nia uma, nia kumprimenta Isabel. 41Wainhira Isabel rona Maria nia lia, kosok oan book an iha nia knotak ho ksolok. Nakonu ho Espiritu Santu, 42Isabel koalia ho lia makaas dehan: “Ita boot diak liu feto hot-hotu! Ita boot nia oan diak liu! 43Be ha’u se los atu ha’u Na’i nia inan hiit an mai ha’u nia uma? 44Basa, ita lia kumprimento nian to’o tiha iha ha’u tilun, kosok oan book an ho ksolok iha ha’u knotak. 45Rahun diak ba ida nebé fiar katak lia nebé Na’i hateten sei sai tuir los duni.”
Today's Pointers on God's Word
As you read the passage what words, phases or meanings caught your attention?
- João Batista haklaken messias nia Moris molok nia moris ida ne’e bele haré iha nia book-an ho ksolok bainhira nia sei hela iha nia inan nia knotak.
- Maria simu nia misaun nu’udar Maromak nia inan ho konsiente katak ida ne’e sei lori nia hasoru ksolok no terus. Ninia ksolok la hamenus ho nia terus tamba hetan apoiu husi nia fiar, esperansa no konfiansa iha Maromak no Nia promessa sira.
-
Jesus sei nafatin haruka mai ita nia Espíritu Santu hodi haforsa ita, atu ita bele enfreta kualker terus ka kanek ida. Ita iha ona esperiênsia ksolok divinu nian hodi saran moris ba Maromak ho fiar no konfiansa tomak?