DGEMs

Maluk sira mak Kristu hadomi,

“João Batista ninia humildade”: Iha Evangelho loron ohin nian, João Batista fo sasin no haklaken ho haraik-an bo’ot, iha lialos; la ho tauk, la ho egoísmo no sempre ho clareza. Hanoin kona-bá ne’e, “ atu sai hanesan ho João, ita presiza fahe ho laran luak buat nebé ita iha no ita nian, moris no serbi ho justisa, no importante liu mak simu Messias nebé mak fo batismo ho poder husi Espiritu Santo.

10Ema lubun boot husu ba nia: “Ami sei halo sa los?” Nia hatan: 11 “Ema nebé iha hatais tahan rua, fahe ho maluk nebé la iha; no ema nebé iha aihan, halo mos nune’e.” 12Publikanu sira mos mai atu simu baptismu. Sira husu ba Nia: “Mestre, ami sei halo sa los?” 13Nia hatan ba sira: “Imi keta husu impostu liu ida nebé estadu haruka.” 14Soldadu sira mos husu ba nia: “Be, ami sei halo sa los?” Nia hatan: “Keta hanehan ema, keta duu matak ema, simu de’it ho laran imi nia kolen.” 15Tan povu hein namanas, no sira hanoin iha sira nia laran katak Joao mak Kristu karik, 16Joao hatan ba sira hotu dehan: “Ha’u sarani imi ho be, Maibé Ida nebé maka’as liu ha’u sei to’o mai ona. Ha’u la soi atu kore nia sapatu tali. Nia sei sarani imi ho Espiritu Santu no ahi. 17Nia kaer ona lafatik atu saar halo mos nia klobur, hodi halot Nia haré iha hoka: Maibé Nia sei sunu tiha haré kain iha ahi nebé sei la mate mohu!”