DGEMs

Maluk sira mak Kristu hadomi,

“Jesus Nia Domin Kompasivu”: Iha Evangelho ohin nian, Jesus hatudu Nia domin kompasivu ba ema lubun boot no haraik isin di’ak ba sira nebé moras no duni sai espíritu aat sira. Hafoin Jesus haruka Nia eskolante sira atu ba haklaken Lia-foun Di’ak Salvasaun nian ba ema hotu. Reflete; ita dezeja atu sai Jesus Nia eskolante hodi kura ema moras no fó esperansa ba sira nebé terus, liu-liu sira nebé sein fiar iha Jesus?”

To’os boot, Maibé to’os atan uitoan

35Jesus la’o lemo sidade ho knua sira hodi hanorin iha sinagoga sira no haklaken liafoun diak reinu nian; fo mos isin diak ba ema moras sira no ba sira hotu nebé terus. 36Haré tiha ema lubun boot, Nia hanoin teb-tebes sira basa sira kole no neon nakraik, hanesan bibi sira nebé bibiatan la iha. 37Tan ne’e Nia dehan ba eskolante sira: “To’os boot duni, Maibé serbisu na’in uitoan. 38Ne’e duni imi harohan ba to’os na’in atu haruka serbisu na’in sira ba nia to’os.”

1Nia bolu nia eskolante sira na’in sanulu resin rua hodi fo kbi’it ba sira atu duni sai espiritu foer sira, no mos atu fo isin diak ba sira hotu nebé terus moras oi-oin. 2Apostolu sira nia naran mak ne’e: ida uluk, Simao nebé ema hanaran Pedro, ho nia alin Andre; Tiago, Zebedeu nia oan, ho nia alin Joao; 3Filipe ho Bartolomeu, Tome ho Mateus publikanu, Tiago, Alfeu nia oan, ho Tadeu, 4Simao Kananeu ho Judas Iscariotes, nebé sei saran Nia.

5Jesus haruka ema na’in sanulu resin rua ne’e la’o ba hodi hanorin uluk sira dehan: “Keta tuir gentiu sira nia dalan, keta tama iha Samaritanu sira nia sidade, 6Maibé buka uluk bibi sira nebé lakon housi umakain Israel nian. 7Tuir dalan, haklaken ba katak reinu lalehan besik ona. 8Halo moras sira hetan isin diak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi.