DGEMs

“Profundade Espiritual-Fiar”:Iha Evangelho ohin nian, Jesus haklaken ba Nia eskolante sira, “La’os ema hotu nebé dehan mai Ha’u, Na’i, Na’i mak sei tama iha Reinu Lalehan, maibé ba sira nebé mak halo tuir Ha’u Aman iha Lalehan Nia hakaran.” Reflete; atu hari fiar nebé metin, ita presiza hari fundasaun espiritual lor-loron nian nebé hakiak ho asaun sira hanesan Kristu nian hosi ita Aman Maromak Nia hakaran.”

Eskolante diak los

21“La’os ema hotu nebé dehan mai Ha’u: ‘Na’i, Na’i!’ sei tama iha reinu lalehan, Maibé nia de’it nebé halo tuir Ha’u Aman iha lalehan nia hakarak. 24“Ne’e duni, ema nebé rona Ha’u nia liafuan hirak ne’e hodi  moris tuir, nia hanesan ema matenek nebé harii nia uma iha fatuk leten; 25udan tau, mota tun, anin hu’u hasouru uma ne’e, Maibé uma la monu basa hamriik iha fatuk leten. 26Maibé, ema nebé rona Ha’u nia liafuan hirak ne’e, no la halo tuir nia, nia hanesan ema beikten nebé harii nia uma iha rai henek leten. 27Udan tau, mota tun, anin hu’u hasouru hodi sobu uma ne’e; uma ne’e monu. Nia rahun aat liu.”