DGEMs

Maluk sira mak Kristu hadomi,

“Senturiaun nia Fiar”: Iha evangelho ohin nian, Jesus hahí Senturiaun Romanu nia fiar nebé kle’an, basá la iha ema ida iha Israel bele iha fiar hanesan nia. Reflete; “Senturiaun profudamente haraik-an no la fiar katak nia uma soin duni atu simu Jesus, Mesias. Wainhira ita iha fiar nebé kle’an katak haraik-an, ita sei iha uniaun pesoal profunda iha ita nia enkontru ho Jesus.

Senturiaun nia atan

5Tama tiha iha Kafarnaum, senturiaun ida hakbesik ba Nia hodi harohan: 6“Na’i, ha’u nia atan toba iha uma, isin mate, terus aat liu.” 7Jesus dehan ba nia; “Ha’u sei ba fo isin diak ba nia.” Senturiaun simu fali 8“Na’i, ha’u la soi katak Ita boot tama iha ha’u nia uma laran, Maibé Ita boot koalia liafuan ida de’it, ha’u nia atan sei hetan fali isin diak; 9basa ha’u mos tuir sira nebé ukun ha’u, no mos iha soldadu sira nebé tuir ha’u. Ha’u dehan ba ida, ‘O ba,’ nia ba; ba ida seluk, ‘Halo ne’e,’ nia halo.” 10Rona tiha nia,  Jesus hakfodak hodi dehan ba sira nebé tuir Nia: “Tebes, Ha’u dehan ba imi, Ha’u seidauk hetan ema ida ho fiar boot hanesan ne’e iha Israel.