DGEMs

Maluk sira mak Kristu hadomi,

“Moris iha Lalehan”-Fiar: Iha Evangelho ohin nian, Jesus haklaken, ba saduseu sira, ne’ebé la fiar iha moris hias, katak iha lalehan, ita la kaben; ita la mate ona, no ita sai hanesan anju sira. Reflete: "Nu'udar ida-ne'e, lalehan mak Maromak nia prezente divinu ba moris rohan-laek ida domin nian, reverénsia no ksolok atu moris iha uniaun ho Maromak, no santu sira hotu!

“Kona ba matebian sira nia moris hias”

27Ema saduseu balun, ne’ebé la fiar moris hias, hakbesik hodi husu ba Nia: 28“Mestre, Moises hakerek mai ami: wainhira mane ida nia maun mate karik hodi husik nia feen maibé oan la iha, nia sei hola nia maun nia feto faluk ne’e atu fo oan sira ba nia maun. 29Iha kedas maun alin na’in hitu. Ida uluk hola feto, hodi mate, oan la iha. 30Alin ne’ebé tuir nia hola fali feto faluk ne’e; tuir mai ida seluk, nune’e mos sira na’in hitu hola nia no mate hotu la husik oan ida. 32Ikus liu, feto faluk mos mate. 33Ne’e duni, iha loron moris hias nian, feto ne’e se nia feen los? Basa sira na’in hitu hola tiha nia” 34Jesus hatan ba sira: “Mundu ne’e nia oan sira hola malu nudar laen feen, 35maibé sira ne’ebé soi ba mundu seluk no ba moris hias husimate sira le’et, sira ne’e la kaben, 36tan sira la bele mate tan, basa sira hanesan anju sira. Sira Maromak nia oan, basa sira moris hias nia oan sira. 37Kona ba moris hias matebian sira nian, Moises rasik mak hatudu hodi hakerek kona ba aitarak ne’ebé lakan maibé ahi la han, wainhira nia bolu Na’i ‘Abraao nia Maromak, Isaac nia Maromak, no Jacob nia Maromak.’ 38Nia la’os matebian sira nia Maromak, maibé ema moris sira nian; basa ba Na’i, ema hotu moris hela.” 39Tuir mai, eskriba balun simu hodi dehan: “Mestre, Ita ko’alia los.” 40No sira la berani ona atu husu tan buat ida.