33ª Semana Tempu Komun: Sesta-feira, loron 22, fulan Novembru, 2024, November 22, 2024

Reflection on the WORD

Maluk sira mak Kristu hadomi, 

"Jesus nia Autoridade no Kbi’it": Iha Evangelho ohin nian, Jesus revela nia autoridade divina: iha nia hanorin sira, no hodi duni sai ema bosok-teen sira husi templu tanba nia Aman nia uma adorasaun. Maibé, amlulik boot sira no eskriba sira sente ameasadu. Reflete: "Ita hamta'uk Maromak, bainhira ita moris sala-na'in. Maibé, ita sei nakonu ho domin no ksolok boot, se ita moris tuir Nia Hakarak!”

Lk 19:45-48

 “Jesus duni sai kontratu na’in sira husitemplu”

45Tuir mai, tama tiha iha templu, Nia hahu duni sai sira ne’ebé faan, hodi dehan ba sira: 46“Hakerek tiha ona: ‘Ha’u nia uma sei sai uma orasaun nian; maibé imi halo tiha nia na’okten sira nia luhan nian!”

 47Loron loron Nia hanorin iha templu. Maibé amlulik sira nia ulun sira, eskriba sira no mos na’i ulun sira povu nian buka atu oho Nia. 48Maibé sira la hatene atu halo oin sa, basa povu tomak hakarak teb-tebes rona Nia.

Today's Pointers on God's Word

As you read the passage what words, phases or meanings caught your attention?

  • Jesus laran moras ho ema sira ne’ebé halo profana espasu sagradu adorasaun templu nian ho sira nia bosok.
  • Templu mak espasu sagradu tanba ema sira bá iha ne'ebá atu besik Maromak nia prezensa iha ne'ebé sira bele reza, hanoin kle'an no aprezenta sira nia preokupasaun no nesesidade pesoál sira hotu ba Maromak.
  • Imi iha "espasu sagradu" iha imi nia uma ka espasu kiik ida iha imi nia kuartu iha ne'ebé imi bele iha ligasaun kompletu liután ho Maromak? Ko'alia ba Na'i kona-bá oinsá imi bele hametin imi nia relasaun ho Nia.