DGEMs

Maluk sira mak Kristu hadomi,

“Maromak nia prezente”- Fiar: Iha Evangelho ohin nian, Jesus haklaken “Ai-knanoik atan nian” hodi subliña responsabilidade atan atu hasoru liurai nia osan ne’ebé entrega ba nia. Liurai afirma nia hodi dehan, “Di'ak, ha'u nia atan di'ak; ó sei ukun sidade sanulu.” Reflete: "Ita uza Maromak nia bensaun ho fidelidade ho responsabilidade?"

“Aiknanoik osan mean”

11Wainhira sira rona tiha buat hirak ne’e, Jesus haktuir tan aiknanoik ida, tanba Nia besik ona Jerusalem, no mos tanba sira hanoin katak Maromak nia reinu sei mosu lalais. 12Ne’e duni, Nia dehan: “Ema boot ida ba tiha rai dook atu simu reinu, hafoin fila fali. 13Bolu tiha nia atan na’in sanulu, nia fahe ba sira osan mean sanulu, hodi dehan ba sira: ‘Fila liman ba to’o ha’u sei fila fali mai.’ 15Simu tiha reinu, wainhira nia fila hikas, nia haruka ema bolu atan sira ne’ebé nia fo osan, atu hatene sira manan hira. 16Ida uluk mai dehan: ‘Na’i, ita nia osan manan sanulu tan.’ 17Nia hatan: ‘Diak tebes, atan diak, tanba o ema los kona ba sasan uitoan, o sei ukun sidade sanulu.’’ 26‘Ha’u dehan ba imi: ba ida ne’ebé iha ona, sei fo tan; maibé husiida ne’ebé la iha, sei hasai tan buat ne’ebé nia iha. 27Kona ba ha’u nia funubalun sira ne’ebé lakohi ha’u atu ukun sira, lori sira mai iha ne’e, oho tiha sira iha ha’u nia oin!’” 28Dehan tiha ne’e, Jesus la’o hodi sa’e ba Jerusalem.