DGEMs

Maluk sira mak Kristu hadomi,

"Zaqueio nia fiar no laran-manas": Iha Evangelho ohin nian, Zaqueio, kobradór impostu riku ida iha laran-manas boot atu haré Jesus. No bainhira Jesus hakarak hela iha nia uma, nia simu Nia ho laran-manas iha nia uma. Reflete: dala barak ita sente laran-rua no mo’e atu haklaken no fó sasin ba ita-nia fiar iha públiku? Tanba sá mak ita mo’e atu haklaken?”

“Zaqueu”

1Tama tiha iha Jeriko, Jesus la’o tesi sidade laran. 2Iha ema ida naran Zaqueio. Nia publikanu sira nia ulun, no nia ema riku ida.  3Nia buka namanas atu hare Jesus, maibé la bele tanba ema barak, basa nia ain badak. 4Nia halai ba oin hodi sa’e ba ai ida atu hare Jesus, ne’ebé sei liu husineba. 5To’o tiha fatin neba, Jesus foti matan hodi dehan: “Zaqueu, tun mai lalais, basa ohin Ha’u sei hela iha o nia uma.” 6Nia tun kedas hodi simu Jesus ho ksolok boot. 7Hare tiha ne’e, sira hotu hamu’u dehan: “Nia tama iha maksalak ida nia uma!” 8Maibé Zaqueiohamriik hodi dehan ba Na’i: “Na’i, ha’u sei fahe ha’u nia rikusoi balun ba kiak sira; ha’u na’ok tiha karik ema ruma nia sasan, ha’u sei selu fali liu dala haat.” 9Jesus dehan ba nia: “Ohin maksoin tama iha uma ne’e, tan ema ne’e mos Abraao nia oan; basa Oan Mane mai buka hodi soi sira ne’ebé la’o lakon dalan.”