DGEMs

Maluk sira mak Kristu hadomi,

“Mai Daruak” - Mesias: Iha Evangelho ohin, Jesus haklaken ba farizeu sira katak Maromak nia reinu nia plenitude sei mai derepente de’it; tuir lolós, ida-ne'e prezente ona ba ita. Reflete: "Ita moris ita-nia fiar ho vijilánsia ka ita presume katak ita sei moris to'o idade katuas, no nune'e, ita iha nafatin tempu atu arrepende ita-nia sala sira, no halo buat di'ak ne'ebé ita la konsege halo?"

“Maromak nia reinu to’o ona”

20Fariseu sira husu wainhira mak Maromak nia reinu sei to’o. Nia hatan ba sira dehan: “Maromak nia reinu la mai hodi hatudu an. 21Ema ida la bele dehan: ‘Mak ne’e,’ eh ‘Mak neba;’ basa Maromak nia reinu iha ona imi le’et.” 

22Tuir mai Nia dehan ba nia eskolante sira: “Loron sei to’o wainhira imi sei hakarak hare Oan Mane nia loron ida, no imi sei la hare. 23Ema sira sei dehan ba imi: ‘Nia mak ne’e,’ eh ‘Nia mak neba.’ Keta ba, keta tuir. 24Basa nudar railakan nabilan husilalehan nia hun to’o nia rohan, nune’e mos sei mosu iha Oan Mane nia loron. 25Maibé uluk knanain Nia sei terus boot, ema husiotas ne’e sei hakribi Nia.