DGEMs

Maluk sira mak Kristu hadomi,

"Templu Sagradu ba Adorasaun"- Fiar: Iha Evangelho ohin nian, Jesus hirus ema ne’ebé troka osan tan sira nia bosok tanba ida ne’e halo templu nia naran foer. Jesus duni sai sira husi templu no Jesus proklama templu nu'udar "uma adorasaun" nian. Reflete: "Ita-nia isin mak templu Espíritu Santu. Ita hetan bolu atu hamoos ida-ne'e ho ita-nia moris ne’ebé morál no lós."

“Jesus hamos templu”

13Besik dau-daun ona Judeu sira nia Paskua, Jesus sa’e ba Jerusalem. 14Iha templu laran, Nia hetan ema ne’ebé fa’an karau, bibi no falur, ho ema sira ne’ebé troka osan tur hela iha sira nia meja. 15Nia bobar tali hamutuk, hodi duni sai husitemplu bibi no karau sira. Nia halo namtate ba rai ema troka osan sira nia osan, hodi taka fila meja sira. 16Ba sira ne’ebé fa’an falur, Nia dehan: “Hasai buat hirak ne’e husine’e: keta halo Ha’u Aman nia uma sai uma kontratu nian.” 17Eskolante sira hanoin kedas liafuan ne’ebé hakerek: “Tan laran manas tau matan ba Ita Boot nia uma, mak Ha’u lakon Ha’u an.” 18Judeu sira husu ba nia: “Sinal ne’ebé mak O fo mai ami atu hatudu katak  O bele halo nune’e?” 19Jesus hatan ba sira dehan: “Sobu tiha templu ne’e, Ha’u sei harii fali nia iha loron tolu nia laran.” 20Judeu sira dehan: “Ema halo templu ne’e iha tinan haat nulu resin neen nia laran, no O sei harii fali nia iha loron tolu nia laran?” 21Maibé Jesus ko’alia kona ba templu nia isin nian. 22Tan ne’e, wainhira Jesus moris hias husimate, nia eskolante sira hanoin hikas katak uluk Nia dehan lia hirak nanis ona: nune’e sira fiar eskritura no lia fuan sira ne’ebé uluk Nia dehan.