DGEMs

Maluk sira mak Kristu hadomi,

"Uza Maromak nia Don sira"- Fiar: Iha Evangelho ohin nian, Jesus haklaken "Parábola kona-bá administradór matenek" ba nia eskolante sira. Jesus “hahiʼi nia tanba nia kriatividade”. Reflete: “Maromak fó mai ita talentu oioin, no bensaun barak loron-loron. Maibé, hanesan ‘administrador matenek’, ita uza sira ba Maromak nia glória boot liu ka ba ita-nia glória rasik?”

“Administrador aat”

1Nia dehan tan ba nia eskolante sira: “Ema riku ida iha emar ida atu hare nia sasan. Loron ida nia rona katak ema ne’e halo lakon nia rikusoi. 2Tan ne’e nia bolu ema ne’e hodi husu ba nia: ‘Sa ida mak ha’u rona kona ba o? Hatan lai kona ba o nia serbisu, basa houri ohin ba oin o la bele kaer tan serbisu ne’e.’ 3Ema ne’e hanoin iha nia laran: ‘Ha’u sei halo sa los, wainhira ha’u nia na’i hasai ha’u husiserbisu? Fila rai, ha’u la bele; husu esmola, ha’u moe. 4Ha’u hatene ona ha’u sei halo sa atu, husik tiha serbisu ne’e, ema seluk simu netik ha’u.’ 5Tuir mai nia bolu sira ida-ida ne’ebé debe nia na’i, hodi dehan ba ida uluk liu: ‘O debe hira ba ha’u nia na’i?’ 6Nia hatan: ‘Mina botil atus ida.’ Ema ne’e dehan fali: ‘Tur lalais, kaer o nia nota, hakerek lima nulu.’ 7Ba ida seluk nia husu: ‘O debe hira?’ Ida ne’e hatan: ‘Trigu karon atus ida.’ Nia dehan: ‘Kaer o nia nota, hakerek ualu nulu.’ 8Na’i hahi ema aat ne’e tan nia hatene moris. Basa mundu ne’e nia oan sira hatene moris ho nia maluk sira diak liu fali naroman nia oan sira.