31ª Semana Tempu Komun: Segunda-feira, loron 04, fulan Novembru, 2024, November 4, 2024
Reflection on the WORD
Maluk sira mak Kristu hadomi,
“Puridade Intensaun”- Fiar: Iha Evangelho ohin nian, Jesus dehan ba uma-na’in; jurista no farizeu sira, “konvida ema kiak, ain kudeik, no matan delek sira. Tanba ne’e, sira laiha meius atu la selu ba imi; maibé Maromak sei selu fali ba imi.” Reflete: "Bainhira ita halo hahalok di'ak sira, ita 'hakarak' atu hetan 'selu', afirmasaun no glória ka ita hakarak de'it ba Maromak nia glória?"
Lk 14:12-14
“Fihir kiak sira”
12Tuir mai Jesus dehan ba ema ne’ebé konvida Nia: “Wainhira o halo festa, keta konvida o nia belun sira, o nia maun alin sira, o nia parenti sira ka o nia maluk riku sira; keta sira ne’e konvida fali o, nune’e sira selu fali o. 13Maibé, wainhira o halo festa, konvida ema kiak sira, ema kbi’it laek sira, ema ain aat sira no ema matan delek sira. 14O sei hetan ksolok, basa sira ne’e la iha buat ida atu selu fali o; o sei simu o nia kolen wainhira ema diak sira sei moris hias.”
Today's Pointers on God's Word
As you read the passage what words, phases or meanings caught your attention?
- Evangelho ohin nian hanorin ita katak di’ak liu fó do que simu. Nune’e ita sei simu Maromak nia bensaun wa’in tebes.
- Iha ai-knanoik ida-ne’e, Jesus haktuir mai ita nia kritériu sira Na’i nia lista bainaka nian: sira ne’ebé labele selu fali! Se ita bele hadomi no tau matan hanesan Jesus hatudu mai ita liu husi Nia Domin Kompaixaun, entaun ita sei iha matenek atu moris lia los ida ne’e.
-
Jesus mós hanorin ita katak karidade sarani la'o dook liu do que fó no fahe de'it buat ne'ebé ita iha. Ida-ne'e kona-bá hadomi liu tán Maromak ho laran tomak liu husi ita-nia hahalok sira laran-luak nian, serbísu no kompaixaun nian.