Loron Matebian no Klamar sira hotu nian: Sábadu, loron 02, fulan Novembru, 2024, November 2, 2024
Reflection on the WORD
“Loron matebian no klamar sira hotu nian”- Fiar: Iha Evangelho ohin nian, Jesus entrega nia moris no nia mate ba Maromak nia Aman, iha Espíritu Santu. Nia sei moris hias iha loron datoluk, iha paskua hodi kumpri Maromak nia planu salvifiku. Reflete: "Bainhira ita tanis tanba lakon ema ne'ebé ita hadomi, ita hetan ksolok husi Maromak nia domin katak Nia sei halibur fali ita ho sira, iha ita-nia uma rohan laek iha Lalehan."
Mark 15:33-37, 39
33Iha loron fahe rua, rai tomak sai nakukun, to'o tuku tolu loraik. 34Iha tuku tolu loraik, Jesus hakilar ho lia maka'as, “Eloi, Eloi. lama sabachtani?” katak, “Ha’u nia Maromak, Ha’u Nia Maromak, tansa Ita husik Ha’u mesak?” 35Rona tiha ne'e, sira balun dehan: “Hare ba, Nia bolu Elias!” 36Sira ida halai hodi habokon hena iha tua sin, hafoin tau ba fafulu ida nia rohan, lolo ba Nia atu hemu hodi dehan: “Husik ba, ita hare Elias sei mai atu hatun Nia ka lae!” 37Jesus, hodi hakilar maka'as, iis kotu. 38Hena templu nian nakles husileten to'o kraik, fahe rua. 39Senturiaun ne’ebé iha Nia oin, hare Nia iis kotu nune'e dehan: “Tebes, ema ne'e Maromak nia Oan duni!”
Today's Pointers on God's Word
As you read the passage what words, phases or meanings caught your attention?
- Ohin, bainhira ita hanoin fali ema sira ne’ebé ita hadomi ne'ebé mate ona, ita sente konsoladu katak sira hamutuk ho Maromak, iha dame no iha Nia glória. Hanesan sira hadomi ita bainhira sira hamutuk ho ita iha mundu, sira agora intersede ba ita iha tempu hotu-hotu.
- Mai ita hanoin mós ema millaun resin ne’ebé mate ona iha nakukun sala nian no rejeisaun liafuan di’ak salvasaun nian katak liuhusi ita-nia orasaun no sakrifísiu ba sira, sira sei hetan moris rohan-laek.
- Hanoin kona-bá kualidade ita-boot nia moris loron-loron nian no husu ba ita nia-an, "Ita moris ho fiar ne'ebé matan-moris no prontu atu hasoru Maromak?" Saída mak Espíritu hatete ba ita-boot?