DGEMs

Maluk sira mak Kristu hadomi,

“Maromak nia Vontade ba Jesus”: iha Evangelho ohin, ema Farizeu sira ba fo hanoin Jesus atu sai ona husi Jerusalem tamba liurai Herodes hakarak oho Jesus. Maibé Jesus hatan ho aten brani hodi dehan katak Misaun nebé Nia Pai konfia ba nia ne’e indika katak Nia sei mate iha Jerusalem. Reflete: Reza no Discerne Maromak nia vontade iha ita nia moris lorloron ho Espíritu abertura, koragem no humildade hanesan exemplu nebé Jesus hatudu ona ba ita.

31Iha loron neba, fariseu balun mai hodi dehan ba Nia: “Sai tiha housi ne’e, basá Herodes hakarak oho Ita.” 32Nia hatan ba sira: “Imi la’o ba, hodi dehan ba asu fuik ne’e: ‘Ha’u duni sai diabu sira, hodi fo isin diak ba ema ohin no aban; no bainrua Ha’u nia knaar hotu ona. 33Maibé ohin, aban no bainrua Ha’u sei tuir Ha’u nia dalan: basá profeta ida la bele mate iha Jerusalem liur. 34Jerusalem, Jerusalem, nebé oho profeta sira no tuda sira nebé Na’i haruka ba o! Dala hira ona Ha’u buka atu halibur o nia oan sira, hanesan manu inan tau nia oan sira iha nia liras okos, maibé o lakohi! 35Tebes, ema sei hamamuk imi nia uma. Maibé Ha’u dehan ba imi katak imi sei la haré tan Ha’u to’o loron nebé imi sei dehan: ‘Rahun diak ba Ida nebé mai hodi Na’i nia naran!’”