DGEMs

“Dom Folinl liu mak Fiar”: iha Evangelho ohin, Jesus ko’alia dehan “Maromak nia Reino” mak Dom nebé folin liu nebé Maromak haraik mai ita. Ita presiza agradese ba Dom ida ne’e, tamba ita la merese. Jesus dehan tan katak se iha ita nia maneira moris fiar nian la iha Espíritu vigilante, ita sei arepende iha futuru maibé tarde ona. Reflete: Maromak nia prezenti ba ita mak ninia Mizerikordia Amoroza. Maibé ita bele lakon no estraga Mizerikordia Maromak nian ne’e tamba ita nia negligensia sira lorloron nian.

22Jesus liu housi sidade no knua sira atu ba Jerusalem hodi hanorin. 23Ema ida husu ba Nia: “Na’i, ema uitoan de’it mak sei hetan maksoin?” Nia hatan ba sira: 24“Haka’as an atu tama liu housi odamatan kloot, basá Ha’u dehan ba imi katak ema barak sei koko atu tama, maibé sei la iha kbi’it. 25Wainhira uma na’in hader hodi taka tiha ona odamatan, imi sei hamriik iha liur hodi tuku odamatan dehan: ‘Na’i, loke mai ami!’ Nia sei hatan: ‘Ha’u la hatene imi mai housi nebé.’ 26Imi sei hahu dehan: ‘Uluk ami han hemu hamutuk ho Ita boot, no Ita boot hanorin iha ami nia prasa sira.’ 27Maibé Nia sei dehan ba imi: ‘Ha’u la hatene imi mai housi nebé. Dook tiha housi ha’u nia oin, imi hotu nebé halo aat!’  30Sira nebé ohin ikus sei sai uluk; no sira nebé ohin uluk sei sai ikus fali.”