30ᵃ Semana Tempu Komun: Tersa-Feira, loron 29, fulan Outubro, 2024, October 29, 2024
Reflection on the WORD
“Maromak nia Reino” – Fiar: iha Evangelho ohin, Jesus ko’alia katak “Maromak nia Reino” hakuak ka inklui ema hothotu. Reflete: ita hanesan ema Kristaun, ita hetan konvite atu Hadomi, Serbí no sai sasan ba Lialos. Mundu sekular promove estilu moris ida nebé mak individualista no la fiar Maromak; mundu sekular hamamuk iha ita nia fuan Jesus ninia Domin lolos no kompaixaun.
Lk 13:18-21
18Hafoin Nia dehan: “Maromak nia reinu hanesan sa ida los, eh Ha’u sei tanesan nia ho sa ida? 19Nia hanesan mustarda musan nebé ema ida kaer hodi kuda iha nia to’os. Musan ne’e moris hodi sai aihun boot ida, manu sira housi lalehan mai tur iha nia sanak sira.” 20Nia dehan tan: “Ha’u sei tanesan Maromak nia reinu ho sa ida los? 21Nia hanesan fermentu nebé feto ida tau iha farina sasukat tolu, to’o masa tomak sa’e.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin, Maromak nia Reino nebé oferese moris rohan la’ek sai mensagem central iha Jesus nia misaun.
- Passagem Evangelho ida ne’e, Maromak nia Reino hanesan Fini Mostarda nebé kiik oan los, maibé wainhira ita kuda no moris mai, bele sai boot hanesan ai-boot sira nebé oferese fatin ba manu fuik sira.
-
Ita konsegue discerne sinais sira kona-bá Maromak nia Reino iha eventu sira ka akontesimentu sira iha ita nia moris? Ita konsiente dezafiu sira nebé mak Jesus tau iha ita moris atu sai instrumento hodi haklaken Liafoun Diak ba ema hotu?