Festa São Simão no Judas, Apóstolus: Segunda-Feira, loron 28, fulan Outubro, 2024, October 28, 2024

Reflection on the WORD

“Vida pastoral Jesus nian": iha Evangelho ohin, ita reflete hamutuk kona-bá Jesus nia moris: Nia reza kalan tomak, depois nia hili nia Discípulo na’in 12; atu sira bele haklaken Maromak nia Liafuan Diak, kura sira nebé mak moras no duni sai Espíritu aat husi ema balun. Reflete: ita presiza reflete kona-bá Jesus nia moris no reza ho sériu atu bele iha kontaktu pessoal ho Kristu no iha relasaun nebé intima ho Jesus.

Lk 6:12-13, 17-19

12Iha loron hirak neba Nia sa’e ba foho atu harohan; kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua nebé Nia hanaran ‘apostolu’. 17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian, 18mai atu rona Nia no mos atu hetan isin diak housi sira nia moras no sira nebé Espíritu foer sira book, no sira hotu hetan diak. 19Sira hotu buka atu kona nia, basá kbi’it sai housi Nia hodi fo isin diak ba sira hotu.

Today's Pointers on God's Word

As you read the passage what words, phases or meanings caught your attention?

  • Jesus hili nia apostolu na’in 12 husi ema bai-bain de’it. Apostolu sira ne’e maioria alfabetizados no laiha qualidade ka talento espesial. 
  • Tamba Batismo, Kristu hili mos ita atu sai Nia Discípulo atu ita bele sai testemunho Kristu nian iha ita nia mundu agora. Oinsa mak ita sai sasin ba Kristu nia Liafoun Diak Salvasaun nia iha ita nia família, amigos no ema hotu nebé ita conhece? 
  • Ita husu nafatin Espírito Santo atu orienta ita hodi bele transforma ita sai sasin nebé diak ba Verdade Maromak nian iha ita nia moris lorloron.