DGEMs

Maluk sira mak Kristu hadomi,

“Discernimento - Sabedoria": iha evangelho ohin, Jesus ko’alia ba multidaun (ema barak) katak ita hotu iha DOM atu hatene interpreta sinais barak iha ita nia moris lorloron. No entanto, wainhira ita hakarak discerne kona-bá Maromak nia Vontade, ita la utiliza Dom nebé Maromak haraik ona mai ita. Reflete: Se ita sériu iha ita nia buska no serbí Maromak, Nia nunka atu husik ita mesak, Nia sempre akompanha no guia ita iha ita nia moris.

54Nia dehan tan ba ema lubun boot: “Wainhira imi haré kalohan ida iha loromonu, imi dehan katak udan sei tau, no mosu duni nune’e. 55Wainhira anin hu’u housi tasimane, imi dehan katak loron sei manas, no mosu duni nune’e. 56Imi ema laran makerek sira! Imi hatene si’ik buat nebé mosu iha lalehan no iha rai, nusa mak imi la hatene si’ik otas ne’e? 57Tan sa imi rasik la haré buat nebé los? 58Ne’e duni, wainhira o ba tribunal hamutuk ho o nia funubalun, buka hadame malu ho nia iha dalan; keta halo be nia lori o ba juiz, hafoin juiz saran o ba guarda, no guarda hatama o iha dadur laran. 59Ha’u dehan ba o katak o sei la sai housi neba to’o o selu hotu.”