DGEMs

Maluk sira mak Kristu hadomi,

“Boa Nova - Cruz”: iha Evangelho ohin, Jesus ko’alia klaru los katak Liafoun Diak Salvasaun nian tenki inklui ita nia resposta nebé hatudu ita nia kompromisu. Maromak tenki sai ita nia DOMIN dahuluk no ikus liu iha ita nia moris. Reflete: Jesus mós promete ba ita katak sei ita moris duni tuir ita nia fiar, Maromak sempre haraik nia grasa, roman no kbi’it atu ita bele ultrapasa dezafiu sira nebé ita enfrenta iha ita nia moris. Ita nia Kompromisu ba ita nia fiar kle’an ka la’e?

49“Ha’u mai atu lori ahi ba raiklaran, no Ha’u hakarak teb-tebes ahi ne’e lakan duni. 50Ha’u sei simu baptismu ida, no Ha’u sei la hakmatek to’o buat ne’e mosu. 51Imi hanoin katak Ha’u mai atu lori dame ba raiklaran? Ha’u dehan ba imi katak lae; maibé atu halo ema haketak malu. 52Basá, houri ohin ba oin, ema na’in lima iha uma laran, sira lia sei la tuir malu: na’in tolu hasouru na’in rua, na’in rua hasouru na’in tolu; 53aman hasouru oan mane, oan mane hasouru aman; inan hasouru oan feto, oan feto hasouru inan; banin feto hasouru feto foun, feto foun hasouru banin feto.”