29ᵃ Semana Tempu Komun: Domingo, loron 20, fulan Outubro, 2024, October 20, 2024
Reflection on the WORD
Maluk sira mak Kristu hadomi,
“Santidade” - Fé:iha Evangelho ohin, Jesus dehan ba nia apóstolu sira katak “se mak hakarak sai bot tenki sai atan hodi serbí ema hotu. Reflete: santidade mak sai sasin ba ita nia Domin ho reverensia ba Maromak. Ita presiza hakmatek hodi discerne saida no oinsa mak Maromak hakarak ita serbí Nia. Ita labele buka atu serbí de’it tuir ita nia hakarak no serbí de’it sira nebé ita gosta.
Mk 10:42-45
42maibé Jesus bolu sira hotu hodi dehan ba sira, “Imi hatene katak iha gentiu sira le’et, na’i ulun sira ukun ho kbi’it, no emboot sira usa sira nia kbi’it ba sira nia emar sira. 43Maibé iha imi le’et, la'os hanesan ne'e. Ema se hakarak sai boot iha imi le’et, sei sai imi nia atan; 44no ida nebé hakarak sai uluk liu iha imi le’et, nia sei sai imi hotu nia atan; 45lo-los Oan Mane rasik la mai atu ema serbi Nia, maibé atu serbi ema, no atu saran Nia moris atu soi ema hotu.”
Today's Pointers on God's Word
As you read the passage what words, phases or meanings caught your attention?
- Ita konhece diak ema sira nebé toman “manda” ema seluk. Hanesan, ita nia chefe sira iha serbisu fatin, ita nia lider polítiku no religioso sira, ita nia família balun nebé iha autoridade ba sira seluk. Sira nia maneira “manda” ema seluk kria hela discrepansia ida iha relasaun sira.
-
Lideransa Cristã nia marka mak serbí ema seluk tuir exemplu nebé Jesus rasik hatudu ona ba ita. Santo São João Paulo II bolu nia-an nu’udar atan ba atan sira seluk nebé mak serbí Maromak.
-
Iha ita nia pozisaun de lideransa ka autoridade, ita tuir modelu Kristu nian hodi serbí ba bem-komum ka ema seluk nia diak, especialmente ba Maromak nia Glória?