Festa Evangelista São Lucas: Sexta-Feira, loron 18, fulan Outubro, 2024, October 18, 2024

Reflection on the WORD

Maluk sira mak Kristu hadomi,

“Discipulado - Fiar": iha Evangelho ohin, Jesus haruka ninia discípulo na’in 72 hodi ba haklaken Liafuan Foun Salvasaun nian ba sidade hothotu. Discípulo sira tenki konfia ba Maromak nia Providensia ba necessidade materiais no Espíritual nebé sira presiza iha missaun ida ne’e. Reflete: ita konfia totalmente ba Maromak nia Providensia no buka atu halo tuir nia Vontade ho Espíritu humildade?

Lk 10:1-9

1 Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira nebé Nia atu ba. 2Nia dehan ba sira: “To’os boot duni, maibé serbisu na’in sira uitoan de’it. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nu’udar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat nebé sira iha; basá serbisu na’in soi atu simu nia kolen. Keta tama uma sai uma sira. 8Imi tama iha sidade ida no sira simu imi karik, han ba buat nebé sira fo ba imi. 9Fo isin diak ba ema moras sira iha neba, hodi hateten ba sira: ‘Maromak nia reinu besik ona imi’

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus fó hanoin ba ita kona-bá prêmio nebé ita sei simu nu’udar “serbisu na’in” ba Maromak nia to’os uvas. Prêmio bot nebé ita sei simu mak husik sasan mundu nian atu bele simu Kristu nebé oferese salvasaun ba ita hotu. 
  • Husik sasan mundu nian signifika tau Maromak sai ita nia prioridade tomak iha ita nia moris no liu-liu iha ita nia desizaun sira. Por exemplo, inan-aman barak hakarak haruka sira nia ba eskola nebé iha kualidade edukasaun nebé diak maibé sia haluhan tiha formasaun fiar nian nebé oan sira presiza los. 
  • Pergunta bázika nebé ita presiza husu mak ne’e: “Ita nia Domin ba Maromak nia sasukat oinsa?  oinsa ita expressa ita nia Domin ba Maromak?” atu ita bele moris tuir de’it Maromak nia hakarak.