DGEMs

Maluk sira mak Kristu hadomi,

“Fiar nebé Responsavel”: iha Evangelho ohin, Jesus dezafia ema Farizeu sira nebé moris iha pekadu nia laran hodi oho no halo perseguisaun ba Maromak nia profeta sira. Farizeu sira halo nune’e hodi justifika ka taka sira nia sala hodi kontinua moris iha pekadu nia laran. Reflete: wainhira ita la moris tuir Maromak nia vontade ho firmeza no kompromisso, ita sei tuir fali dalan pekadu ema seluk nian.

47Susar ba imi nebé hada rate profeta sira nian: maibé imi nia bei ala sira rasik mak oho sira! 48Nune’e imi fo sasin, hodi hakarak mos imi nia bei ala sira nia hahalok sira; basá sira mak oho, imi mak hada rate. 49Tan ne’e Maromak nia matenek dehan: ‘Ha’u sei haruka profeta no apostolu sira ba sira; balun sira sei duni sai no oho,’ 50atu ema otas ne’e nian sei hatan kona-bá profeta sira hotu nia ran, nebé nakfakar houri mundu hahu, 51housi Abel nia ran to’o Zacarias nian, nebé ema oho iha altar no santuariu nia klaran. Tebes, Ha’u dehan ba imi, ema sira ne’e sei hatan kona-bá buat hirak ne’e hotu.