DGEMs

Maluk sira mak Kristu hadomi,

“La sériu ho Maromak” – Fiar: iha evangelho ohin, Jesus hatudu emosaun triste tebes ho ema barak (Multidaun) nebé husu sinais. Maibé sira la sériu ho sira nia desejo hodi buka buat nebé los nebé Jesus oferese ba sira. Reflete: Se ita sériu iha ita nia buska ba Verdade Maromak nian, ita sei senti movidu ho nia Domin incondicional ba kada individuo no Nia nunka kolen atu hadomi no perdua ita.

29Wainhira ema lubun boot halibur tiha an, Jesus dehan: “Otas ne’e otas aat duni; ema sira husu sinal ida, maibé sinal mesak nebé sei fo ba sira mak sinal Jonas nian. 30Basá, hanesan Jonas sai sinal ida ba ema rai Ninive nian, nune’e mos Oan Mane sei sai sinal ida ba ema sira housi otas ne’e. 31Iha loron tesi lia nian, liurai feto tasimane nian sei hamriik hasouru ema sira ne’e hodi tesi lia todan ba sira; basá nia mai housi mundu nia rohan atu rona Salomao nia matenek, no iha ne’e iha Ida nebé boot liu fali Salomao. 32Iha loron tesi lia nian, Ninive nia oan sira sei hamriik hasouru ema sira ne’e, hodi tesi lia todan ba sira; basá wainhira Jonas haklaken Maromak nia liafuan, sira hakribi sira nia sala, maibé iha ne’e iha Ida nebé boot liu fali Jonas.”