DGEMs

Maluk sira mak Kristu hadomi,

“Bondade no santidade” - Fiar: iha Evangelho ohin, ema riku ida, nebé sempre obedese ba Maromak nia ukunfuan sira, husu ba Jesus: “ha’u sei halo sa atu bele hetan moris rohan la’ek?”. Jesus hatan ba nia atu husik ninia apego sira ka ninia rikusoin sira no tuir Jesus. Reflete: Jesus konvida ema riku ne’e atu sai santo maibé nia sedauk bele husik nia riqueza sira hodi responde ba Na’i nia bolu. Oinsa ho ita?

17Wainhira Nia atu la'o ona, ema ida halai hasouru Nia, tuku tur ba rai hodi husu Nia, “Mestre diak, Ha’u sei halo sa atu bele hetan moris rohan la’ek?” 18Jesus hatan ba nia, “Tan sa o dehan Ha’u diak? La iha ema diak; Maromak mesak mak diak. 19O hatene ukunfuan sira: keta oho, keta halo adulteriu, keta na’ok, keta foti lia bosok hasouru ema, keta lohi ema, hamtauk o nia aman no inan.” 20Nia hatan hodi dehan ba Nia, “Mestre, Ha’u moris tuir sira ne'e hotu houri kiik kedas.” 21Jesus fihir nia di-diak, hadomi nia hodi dehan ba nia, “Buat ida de’it mak o sei kuran: ba, fa'an o nia sasan tomak, fahe ba ema kiak sira no o sei hetan rikusoi iha lalehan; hafoin, mai tuir Ha’u.” 22Nia neon sala tebes tan liafuan hirak ne'e; nia ba ho neon nakraik, basá nia iha rikusoi barak.