27ᵃ Semana Tempu Komun: Quarta-Feira, loron 9, fulan Outubro, 2024, October 9, 2024
Reflection on the WORD
Maluk sira mak Kristu hadomi,
“Harohan ba Maromak, ita nia Aman”: iha Evangelho ohin, Jesus hanorin nia Discípulo sira atu reza no dirigi orasaun sira ba Maromak hanesan ita nia Aman: atu glorifika Maromak, buka Nia Vontade, buka Nia Kbi’it, Nia Domin nebé nakunu ho perdaun no moris tuir Maromak nia sabedoria hodi nune’e bele sai hanesan Jesus, Nia Oan Doben. Reflete: orasaun ida ne’e mak orasaun nebé perfeita. Kontinua reflete kona-bá orasaun ida ne’e.
Lk 11:1-4
Loron ida, Nia harohan iha fatin ida. Hotu tiha, nia eskolante ida hateten ba Nia: “Na’i, hanorin ami atu harohan hanesan Joao Baptista hanorin nia eskolante sira.” 2Nia dehan ba sira: “Wainhira imi harohan, hateten nune’e: ‘Aman, tulun ema atu hahi Ita naran. Halo Ita nia reinu to’o mai ami. 3Haraik aihan loron loron nian mai ami. 4Haraik perdua mai ami sala, nu’udar ami perdua ema nebé halo aat ami. Labele husik ami monu ba babeur.’”
Today's Pointers on God's Word
As you read the passage what words, phases or meanings caught your attention?
- Jesus hanorin ita atu reza, hodi bolu Maromak “Abba, Pai” ka ha’u nia papa; termo ida nebé hatudu Carinho – Pai nebé Carinhoso. Jesus hakarak atu ita kria relasaun nebé nakonu ho afeto no intimidade ho nia Pai; atu ita konfia iha nia amor mizerikordia tamba liu husi Batismo, Nia kria ita atu sai Nia oan feto no mane.
- Maromak só fó buat ne’ebé diak liu no iha abundância boot ba buat nebé ita presiza ba ita nia salvasaun. No entanto, Nia hakarak atu ita fahe bensaun sira nebé ita simu husi nia ho ema seluk. Oinsa ita hamoris Espíritu ida ne’e?
-
Jesus mós hakarak atu ita perdua ema seluk hanesan Nia perdua ita unkondisional. Ita perdua ona ita nia-an husi failansu sira nebé mak ita liu ona? Ka ita sei hela ho kanek no hirus sira tan failansu ne’e. Saida mak Maromak ko’alia ba ita iha ita nia fuan?