DGEMs

Maluk sira mak Kristu hadomi,

“Meditasaun Terço nian” - Fiar: iha Evangelho ohin, ita reflete kona-bá primeiro “mistério gozoso” Rosário nian – “Anunciação”. Kontemplasaun kona-bá mistério rua nulu iha terço - mak rezumo furak ida kona-bá Jesus nia moris. Reflete: ita nia relasaun ho Jesus no Maria sei metin no profundu liu tan ho ita nia orasaun Rosário nian. Distrasaun sira iha oração sempre iha maibé ita presiza sériu no fiél wainhira ita reza”

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebé hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basá o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan.  34Maria husu ba anju: “Ne’e sei sai oin sa los, basá ha’u la hola mane?” 35Anju hatan ba nia dehan: “Espíritu Santu sei tun ba o no Na’i aas liu hotu nia kbi’it sei hamahan o. Tan ne’e santu nebé atu moris sei hanaran An ‘Maromak nia Oan.’ ” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.