DGEMs

Maluk sira mak Kristu hadomi,

“Naran sira iha Lalehan” – Fiar: Iha Evangelho ohin, Jesus dehan ba Discípulo na’is 72 katak sira atu “haksolok tamba imi nia naran hakerek tiha ona iha lalehan” Reflete: hanesan Discípulo sira ne’e, ita presiza moris ho fiar nebé metin no esperansa bot atu loron ruma ita bele moris ho Maromak iha etenidade, ida ne’e mak Dom nebé presiozu liu iha ita nia moris tomak.

Sira hitu nulu resin rua ne’e fila fali hodi haksolok dehan: “Na’i, diabu sira mos tuir ami hodi Ita nia naran.” 18Nia hatan ba sira: “Ha’u foin haré Satanas monu housi lalehan hanesan rai lakan. 19Los duni, Ha’u haraik tiha kbiit ba imi atu sama samea no sakunar sira, hodi manan funubalun nia kbiit tomak; la iha buat ida nebé bele halo aat imi. 20Maski nune’e, keta haksolok tamba espiritu sira tuir imi; haksolok de’it tamba imi nia naran hakerek tiha ona iha lalehan.”

21Iha oras neba Nia haksolok teb-tebes ho Espiritu Santu dehan: “Ha’u hahi Ita, Aman, lalehan no rai nia Na’in, basa Ita subar tiha buat sira ne’e housi ema matenek sira hodi fo hatene fali ba sira nebé kiik. Tebes, Aman, Ita hakarak duni nune’e. 22Ha’u nia Aman saran tiha buat hotu mai Ha’u. Ema ida la hatene se mak Oan, Aman de’it mak hatene; no ema ida la hatene se mak Aman, Oan de’it mak hatene, no ida nebé Oan Mane hakarak fo hatene ba nia.”