26ᵃ Semana Tempu Komun: Sexta-Feira, loron 4, fulan Outubro, 2024, October 4, 2024
Reflection on the WORD
Maluk sira mak Kristu hadomi,
“Obstinação (apego) no matan delek iha fiar": Iha Evangelho ohin, Jesus dehan ba ninia discípulos katak Corazim, Betsaida no Cafarnaum mak cidade sira nebé rejeita a Boa Nova tamba sira nia abstinasaun no matan delek. Reflete: Iha ita ida-idak nia fuan, ita iha dezeju atu moris ba Maromak. Ita simu ka rejeita Espírito Santo nia bolu iha ita nia moris lorloron?
Lk 10:13-16
“Rahun aat ba o, Korozain! Rahun aat ba o, Betsaida! Basa, milagre sira nebé halo tiha iha o halo karik iha Tiro no Sidom, kleur ona mak sira hakribi sira nia sala hodi hatais karon no taka sira an ho ahikdesan. 14Maibé iha loron tesi lia nian, Tiro no Sidonia sei la hetan susar hanesan imi. 15O mos, Kafarnaum, hakarak foti an to’o lalehan? Ema sei hamonu o to’o inferno!” 16“Ema nebé rona imi rona Ha’u, no ema nebé hakribi imi hakribi Ha’u; maibé ema nebé hakribi Ha’u, hakribi Ida nebé haruka Ha’u mai.”
Today's Pointers on God's Word
As you read the passage what words, phases or meanings caught your attention?
- Jesus halo ona milagre barak iha Corazim no Betsaida maibé ema sira iha neba kontinua taka sira-an atu haré Cristo nia verdade no sira kontinua ho moris nebé kontra Maromak.
- Oinsa ho ita nia moris? Bensaun barak nebé Maromak haraik mai ita hamoris iha ita Domin no Kompaixaun ba ema seluk?
- Passa tempu hodi reflete kona ba o nia moris durante tinan hirak ikus ne’e. Compara tok o nia moris ho sira nebé lahatene no la fiar Kristo? Iha diferensa ruma? Oinsa mak sakramentu Eucaristia no Rekonsiliasaun ajuda o atu moris de forma diferente?