DGEMs

Maluk sira mak Kristu hadomi,

“To’os bot” – Discípulo: Iha Evangelho ohin, Jesus haruka ninia Discípulo na’in 72, “To’os bot maibé serbisu na’in it’oan de’it”. Reflete: Maski ita haré ‘ema it’oan de’it mak oferese-an atu serbí igreja, ita bele nota oportunidade bot atu aumenta to’os na’in ba sira nebé hakarak rona Na’i nia bolu. Ita presiza sasin ba ita nia fiar iha Cristo hodi moris ho espiritu autentisidade.

Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira nebé Nia atu ba. 2Nia dehan ba sira: “To’os boot duni, maibé serbisu na’in sira uitoan de’it. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nu’udar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat nebé sira iha; basa serbisu na’in soi atu simu nia kolen. Keta tama uma sai uma sira.