Santa Teresa do Menino de Jesus: Tersa-Feira, loron 1, fulan Outubro, 2024, October 1, 2024
Reflection on the WORD
Maluk sira mak Kristu hadomi,
“Bot liu – Ki’ik liu” – Fiar: Iha Evangelho ohin, Jesus ko’alia ba Ninia Discípulo sira katak “imi la hakribi imi nia sala no sai hanesan labarik sira karik, imi sei la tama iha reinu lalehan”. Reflete: Atu moris tuir Liafuan Diak Jesus nian ho fuan komprometidu, ita persiza sai hanesan labarik nebé livre husi justifikasaun ka razaun oi-oin ba ita nia odio, arogansia no orgulho egoista sira nebé dada ita ba pekadu.
Mt 18:1-5
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema nebé haraik an hanesan labarik ne’e, nia mak boot liu iha reinu lalehan. 5Ema nebé simu labarik ida hanesan ne’e tan Ha’u nia naran, nia simu Ha’u. 10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.
Today's Pointers on God's Word
As you read the passage what words, phases or meanings caught your attention?
- Ita hakfodak ka la’e wainhira hatene katak desde Jesus nia tempu, ema komesa ona preokupa ho se mak bot/forte liu? Ohin loron, ita bele nota katak ema kontinua iha hamlaha ba dezeju atu ema seluk “reconhece” – hakarak sai importante iha ema seluk nia oin. Dezeju ida nebé mak sai impedimentu atu krexe iha ita nia fiar ba Maromak.
- Jesus ilumina ita nia neon no fuan hodi hatene katak hakarak sai bot ka importante liu iha Maromak nia reina – presiza hamoris humildade. Ita presiza sai husi ita nia dezeju orgulho no egoista sira hodi livre hanesan labarik inocente sira atu sai duni atan Maromak nian.
- Se ita dezeja atu tama ba Maromak nia kadunan santo wainhira ita nia tempu iha mundu ne’e remata, ita presiza responde ba konvite ne’e atu moris tuir Cristo ninia exemplo sira. Ita discerne ona atu moris tuir Jesus nia bolu iha ita nia moris lorloron?